Sorry長左少少..不過真人真事..用心打..請用心睇..

沙田好運中心 - 恆聲

一向都好好口碑架啦~不過我諗要搞清楚佢邊方面口碑好喇..

PSP佢賣行貨..係真ge..要買PSP搵佢岩喇..(我諗佢係得依樣信得過架喇)

但係卡果d就唔清楚..

至於維修服務方面 比負分都嫌多

話說小弟部PSP個Analog制壞左拎去比佢成粒換啦

由於果次第一次比人維修野 唔識野 已經比佢呃左 叫我放低部機 話要個半鐘

好都唔緊要 整好 無問題啦~玩得喎~可惜..唔夠兩個月個制已經打柴..

$150 for 兩個月我只能夠講一句"超值"~

雖然佢講明唔係原廠 但係兩個月會唔會有點兒那個?

仲要$150..事後先知$100係公價..仲要第二間有原廠果隻..至於來源就唔多清楚

一個唔知價個水魚,即係我就比佢成功釣到喇~$150

品質差..都唔係最大問題..最大問題係..我事後發現有兩粒十字"羅斯"比佢換左第二隻"羅斯"落去..

唔係一字又唔係十字..似三字...我真係唔知佢ge意圖係咩...但無論咩意圖都好..換左人地d野點都係錯!!

之後我拎返去同佢講佢仲要話我當初唔check清楚係我ge問題..係..依個係我ge問題..但係我真係估唔到"羅斯"都要偷龍轉鳳囉~

如果依佢咁樣講ge..我拎完部機比佢整我咪要再拆開部機睇下佢有冇換我入面d野?

之後佢仲要講多句: 你咁無信心ge請你搵第二個高人同你整喇

我想講我無信心都係因為有人換左我部PSP原本d野囉!!

之後我比觀塘一間game shop整d野果陣仲發現個殼比"恆聲"d靚"羅斯"轉到滑左啞..結果"羅斯"拎唔到出黎..要強行爆殼~無奈

之後比觀塘依間就好好多喇~換面殼換所有制除左RL再換埋Analog加埋mon貼都係$360

雖然第二日發現開唔到機..不過拎返去佢幫我check check到原來係一塊小底板出現問題(電源果邊)..

結果佢同我換左塊新ge~仲要第二次比佢整果陣就發現"恆聲"果d好"羅斯"令到個殼開唔返..結果爆殼..

好彩觀塘依間都免費同我換過個新ge..第一次整$360, 第二次整費用全免依d咪叫售後服務囉
(注:第二次係換左另一個新殼,加一塊小底板令我開關正常返)

[size=5]其實講咁耐都係條氣唔順..品質差不特止仲要玩偷龍轉鳳..我係絕對懷疑"恆聲"唔止換"羅斯"咁簡單囉..

不過都只能夠怪自己唔好好check清楚..人地都講到責任唔係佢地度咯..~"~[/size]

另外真係要特別讚一讚觀塘果間game shop..係觀廣場3樓..好似叫遊戲地帶...