阿蘇王朝來臨　20萬鎊勁過神奇隊長

蘇亞雷斯近排紅爆英超，今季停賽復出之後幾乎場場入波，𠵱家喺射手榜以17球遙遙領先。雖然阿蘇同利物浦合約到2018年先到期，但盛傳皇馬同阿仙奴都想喺明年1月挖佢過檔；紅軍都唔敢怠慢，據講將會開出破球會薪金紀錄嘅條件同佢續新約，阿蘇嘅周薪將會高達20萬鎊（約253萬港元），多過隊長謝拉特𠵱家嘅14萬鎊，勢取代神奇隊長成為紅軍之王。

[b]壓謝四隊史最高薪[/b]
根據非官方嘅資料顯示，𠵱家利物浦陣中人工最高嘅係隊長謝拉特，至於阿蘇就以11萬鎊排第2；其他高薪一族包括史杜列治、高路托尼等，周薪都係大約8萬鎊左右，未到6位數字。如果利記真係開出傳媒估計嘅20萬鎊周薪新約條件，顯示出佢哋真係有好大決心要留住阿蘇。
阿蘇係咁入波，加上佢喺今季又未踢過歐聯，喺嚟緊1月重開嘅轉會市場自然吃香，近期已傳過皇馬同今夏斟過阿蘇嘅阿仙奴，都有興趣喺下年1月出手。以利物浦上半季嘅走勢，莫講話有機會完成到打入前4呢個目標，喺冇一支勁旅一枝獨秀情況下，隨時唔覺意攞埋英超冠軍都唔奇！之但係如果1月冇咗阿蘇就肯定唔掂，都難怪紅軍不惜將神奇隊長至高無上嘅地位讓畀佢，但求要佢開開心心留喺度。

[b]與泰利林伯同grade[/b]
話得說回來，雖然阿蘇成日搞搞震，上季咬人被重罰之後又喺夏天扭計喊走，不過到今季出番嚟之後，就冇再發生麻煩事，專心踢好波，早幾日仲拎埋足球球迷聯會嘅足球先生。始終謝拉特已經30有3，紅軍都要有一位新嘅靈魂人物。
𠵱家喺英超搵錢最多嘅10位球員，唔係嚟自曼聯曼城，就係車路士；如果阿蘇真係加薪到去20萬鎊，佢就會進佔10大，同車路士嘅泰利同林柏特一樣。如果阿蘇可以一直踢出好似今季嘅水準，都值嘅。

[img]http://static.apple.nextmedia.com/images/apple-photos/apple/20131219/large/img0001072_aa04.gif[/img]


來源:蘋果日報網站

*** 作者被禁止或刪除 內容自動屏蔽 ***